கொழுப்பு அதிகமா இருக்கா, இதை சாப்பிடுங்க, சீக்கிரம் கரையும், பக்கவிளைவும் இல்லை

உடல் பருமனும், அதிகமான கொழுப்பும் இருந்தால் அது உடலில் மோசமான பாதிப்பை உண்டாக்க செய்யும். கொழுப்பின் அளவை குறைக்க இயற்கை வழிகள் என்ன என்பதை பார்க்கலாம்

உடலில் ரத்தத்தில் கொழுப்பு இருக்கும். உடலில் செல்கள் சாதாரணமாக செயல்பட கொழுப்பு அவசியம் தேவை. உடல் கொழுப்பை உருவாக்குகிறது. எனினும் நீங்கள் உட்கொள்ளும் உணவுகள் வழியாகவும் கூடுதல் கொழுப்பை பெறுவீர்கள்.

உடலில் தேவையான அளவு கொழுப்பை விட அதிகமாக இருக்கும் போது அது தமனிகளில் உருவாக தொடங்குகிறது. இந்த நிலை பெருந்தமனி தடிப்புத்தோல் அழற்சி என்று அழைக்கப்படுகிறது. இது இரத்த உறைவு, மாரடைப்பு மற்றும் பக்கவாதம் போன்ற இதய மற்றும் இரத்த ஓட்ட பிரச்சனைகளை உண்டாக்கும்.

அதிக கொழுப்பால் பாதிக்கப்படுபவர்கள் மருத்துவத்துறையில் ஹைபர்கொலெஸ்ட்ரோலிமியா என்று அழைக்கப்படுகிறார்கள்.

​கொழுப்பு என்பது

கொழுப்பு வகைகள் இரண்டு உள்ளன.
குறைந்த அடர்த்தி கொண்ட லிப்போ புரோட்டின்கள் ( எல்.டி.எல் ) என்பது இதய நோய் மற்றும் பக்கவாதம் அபாயத்தை அதிகரிக்க செய்யும் கெட்ட கொழுப்பு ஆகும்.

உயர் அடர்த்தி கொண்ட லிப்போபுரோட்டின்கள் (ஹெச்.டி.எல்) நல்ல கொழுப்பு ஆகும். இது உங்களுக்கு உண்டாகும் இதய நோய் மற்றும் பக்கவாதம் ஏற்படும் அபாயத்தை குறைக்கிறது.

மோசமான கொழுப்பின் அதிக அளவுக்கு உணவு பழக்கமும் காரணமாக இருக்கலாம். நல்ல கொழுப்பின் அளவையும் குறைக்க செய்யலாம். இயற்கையாக கொழுப்பை குறைக்க என்ன செய்யலாம் என்பதை பார்க்கலாம்.

கொழுப்பின் அளவை இரத்த பரிசோதனை மூலம் தெரிந்து கொள்ளலாம் பொதுவாக 9 மணி முதல் 12 மணி நேரத்துக்கு எதையும் சாப்பிடாமல் ( தண்ணீர் மட்டும் அருந்தலாம் ) இரத்தப்பரிசோதனை செய்வதன் மூலம் இரத்தத்தில் உள்ள கொழுப்பின் அளவை அறிந்து கொள்ள முடியும் 

மொத்த கொழுப்பின் அளவு 

200Mg / DL இற்கு குறைவாக இருப்பது சிறப்பாகும் ( normal.)
200Mg - 239Mg வரை இருந்தால் அபாயத்தின் எல்லையில் இருக்கிறோம் என்று அர்த்தம் (borderline.)
240Mg இற்கு மேல் இருந்தால் அதிகம் 

LDL ( கெட்ட கொழுப்பு   “bad” cholesterol )

100-129 mg/dL: இருப்பது இயல்பு நிலை  

130-159 mg/dL:   அபாயத்தின் எலையில் இருக்கிறோம்   (Borderline high)

160-189 mg/dL: அதிகம்( High )

190 mg/dL    மிக அதிகம் (Very high )

HDL ( நல்ல கொழுப்பு “good” cholesterol. )

ஆண்களுக்கு 40 இற்கு கீழ் 
பெண்களுக்கு 50 இற்கு கீழ் மிகவும் ஆபத்து 

50 - 59 பரவாயில்லை 
60 இற்கு மேல் சிறந்தது 


ட்ரைகிளிசரைட்ஸ் ( triglycerides )

150  இற்கு கீல் சரியான அளவு (Normal levels )
150 - 199  அபாயத்தின் எலையில் இருக்கிறோம் (Borderline high ) 
200 - 499 அதிகம்( High )
500 இற்கு மேல் மிக அதிகம் (Very high )


பெரும்பாலானவர்கள் அதிக கொழுப்பை கொண்டிருக்கிறார்கள். இவை குறைக்காவிடில் மாரடைப்பு மற்றும் பக்கவாதம் ஏற்படும் அபாயத்தை உண்டாக்கும். உங்கள் ஆரோக்கியம் சீராக இருக்க இயற்கையாகவே கெட்ட கொழுப்பின் அளவை குறைக்க என்ன செய்யலாம் அதற்கு உதவும் வீட்டு வைத்தியங்கள் என்ன என்பதை பார்க்கலாம்.

​வைட்டமின்கள்

கொழுப்பின் அளவை குறைக்க சில வைட்டமின்கள் உதவும். வைட்டமின்கள் பி 3, வைட்டமின் ஈ. வைட்டமின் சி ஆகியவை கொழுப்பின் அளவை குறைக்கும் என்று அறியப்படுகிறது. எல்.டி.எல் அளவை குறைக்க வைட்டமின் சி உதவுவதாக கண்டறியப்பட்டது.

வைட்டமின் B3 மற்றும் வைட்டமின் E ஆனது தமனிகளில் கொழுப்பு உருவாக்குவதை குறைப்பதன் மூலம் பெருந்தமனி தடிப்பு மற்றூம் உயர் கொழுப்பின் அறிகுறிகளை எதிர்த்து போராட உதவுகின்றன.

இந்த வைட்டமின்கள் நிறைந்த உணவுகளில் சிட்ரஸ் பழங்கள், பச்சை இலை காய்கறிகள், கோழி, காளான், டுனா மீன், பாதாம் மற்றும் இனிப்பு உருளைக்கிழங்கு போன்றவற்றில் உள்ளது.

​பூண்டு

பூண்டு பற்களை சிறு சிறு துண்டுகளாக வெட்டி விடவும். இதை சாலட்களில்

சேர்த்து சாப்பிடலாம். பூண்டு உரித்து நெருப்பில் சுட்டு சாப்பிடலாம். பூண்டை பாலில் வேகவைத்து சாப்பிடலாம். பூண்டு சிறு துண்டுகளாக நறுக்கி தேனில் ஊறவைத்தும் சாப்பிடலாம்.

பூண்டில் அல்லிசின் எனப்படும் கலவை உள்ளது. இது பூண்டை நசுக்கும் போது மட்டுமே கிடைக்கும். இந்த கலவை இயற்கையாகவே உடலில் கொழுப்பை குறைக்க செய்யும்.

​க்ரீன் டீ

ஒரு கப் தண்ணீரை கொதிக்க வைத்து 1 டீஸ்பூன் க்ரீன் டீ சேர்த்து இலேசாக கொதிக்க வைத்து இறக்கி விடவும். இளஞ்சூடாக இருக்கும் போது தேன் சேர்த்து கலந்து குடிக்க வேண்டும். தினமும் மூன்று முறை வரை இதை செய்து குடிக்கலாம்.

க்ரீன் டீயின் சக்தி வாய்ந்த ஆக்ஸிஜனேற்ற திறன் , இதில் இருக்கும் ஈ.ஜி.சி.ஜி இருப்பதால் இது கெட்ட கொழுப்பு அளவை குறைக்க உதவுகிறது. க்ரீன் டீ உடல் ஆரோக்கியத்துக்கு பெரிதும் நன்மை பயக்கிறது.

​தயிர்

தயிர் புரோபயாடிக் நிறைந்தவை. தினமும் ஒரு கப் தயிர் எடுத்துகொள்வது உடலில் நல்ல கொழுப்பு அளவை அதிகரிக்கும்.

தயிர் புரோபயாடிக் நிறைந்தது. தயிரில் நல்ல பாக்டீரியாக்கள் உள்ளன. இது குடல் ஆரோக்கியத்தை மேம்படுத்துகின்றன. மேலும் இயற்கையாகவே கொழுப்பை குறைப்பதில் குறிப்பிடத்தக்க பங்கை கொண்டுள்ளன. பசுந்தயிரை அதில் இருக்கும் வெண்ணெய் நீக்கி எடுத்து கொள்வதன் மூலம் முழுமையான ஆரோக்கியம் பெற முடியும்.

​சியா விதைகள்  ( Chia Seeds )

கொழுப்பின் அளவை குறைக்க சியா விதைகள் உதவக்கூடும். சியா விதைகள் - 1 டீஸ்பூன் அளவு. தினசரி சாலட், ஸ்மூத்தி வகைகள், பழச்சாறுகளில் சியா விதைகளை சேர்த்து உட்கொளுங்கள். கொழுப்பின் அளவை குறைக்க தினசரி சியா விதைகள் எடுத்துகொள்ளலாம்.

சியா விதைகள் ஒமேகா 3 கொழுப்பு அமிலங்களின் வளமான மூலமாகும். இது கொழுப்பின் அளவை குறைக்க உதவுகிறது. மேலும் இதய நோய் அபாயத்தை குறைக்க உதவுகிறது.

​ஆளி விதைகள் ( හණ ඇට Linseed )

ஆளிவிதைகள் கொழுப்பின் அளவை குறைக்க உதவுகிறது. ஆளிவிதையை பொடியாக்கிய தூள்- 1 டீஸ்பூன், வெதுவெதுப்பான நீர் - 1 டம்ளர்

ஒரு டம்ளர் வெதுவெதுப்பான நீர் எடுத்து அதில் ஆளிவிதைகள் பொடியை சேர்த்து குடிக்கலாம். சுவைகு தேவையெனில் தேனை சேர்க்கலாம். நீருக்கு மாற்றாக பாலிலும் கலந்து குடிக்கலாம்.

ஆளிவிதைகளில் செகோயோசோலரிசர்சினோல் டிக்ளுகோசைடு secoisolariciresinol diglucoside (SDG) என்னும் லிக்னன் உள்ளது. இது இரத்தத்தில் உள்ள கொழுப்பை குறைக்க உதவுகிறது மேலும் கல்லீரல் நோய்கள் உருவாகும் அபாயத்தை குறைக்க செய்கிறது.

​எலுமிச்சை சாறு

கொழுப்பின் அளவை குறைக்க எலுமிச்சை சாறை 1 டம்ளர் வெது வெதுப்பான நீரில் தேவையான அளவு சேர்த்து தேன் கலந்து குடிக்க வேண்டும். தினமும் ஒரு டம்ளர் வீதம் குறிப்பாக காலையில் வெறும் வயிற்றில் குடித்து வந்தால் கொழுப்புகள் கரையக்கூடும்.

எலுமிச்சை சாறு வைட்டமின் சி மற்றும் ஆண்டி ஆக்ஸிடண்ட்கள் நிறைந்த மூலம் ஆகும். இது மோசமான கொலஸ்ட்ரால் அளவை குறைக்க செய்யும். உடல் பருமனாக இருப்பவர்களுக்கும் சிறந்த தீர்வாக அமையும். இதே போன்று க்ரேப் ஃப்ரூட் ஜூஸ், ஆரஞ்சு ஜூஸ், மாதுளை பழச்சாறு மூன்றும் உடலில் இருக்கும் கொழுப்பை கரைக்ககூடிய பானங்கள் ஆகும்.

​ஆப்பிள் சீடர் வினிகர்

ஆப்பிள் சீடர் வினிகர் - 1 டீஸ்பூன்

வெதுவெதுப்பான நீர் - 1 டம்ளர்

தேன் - 2 டீஸ்பூன்

வெதுவெதுப்பான நீரில் ஆப்பிள் சீடர் வினிகர் கலந்து தேன் சேர்த்து கலக்கி குடிக்கலாம். தினமும் அல்லது வாரத்தில் மூன்று நாட்கள் இதை குடித்து வரலாம்.

ஆப்பிள் சீடர் வினிகர் அசிட்டிக் அமிலம் மற்றும் பெக்டின் ஆகியவற்றை கொண்டுள்ளது. அசிட்டிக் அமிலம் அதிக கொழுப்போடு தொடர்புடைய தேவையற்ற உடல் எடையை குறைக்க உதவுகிறது. கெட்ட கொழுப்பை ஆப்பிள் சீடர் வினிகர் உடலில் இருந்து வெளியேற்றக்கூடும்.

​செலரி ஜூஸ் (Celery )(සැල්දිරි)

செலரி தண்டுகள் - 2

தண்ணீர் - 1 கப்

தேன் - தேவையெனில்

செலரி தண்டுகள் அரைத்து அரைகப் தண்ணீரில் சேர்த்து அரைத்து சாறை தனியாக எடுத்து வடிகட்டி சிறிது தேன் சேர்க்கவும். இந்த சாற்றில் ஒரு டம்ளர் குடிக்கலாம். தினமும் 1 அல்லது 2 டம்ளர் வரை குடிக்கலாம்.

உடல் எடையை குறைக்க உதவும் அமுக்கிரான் பொடி எப்படி எடுத்து கொள்வது?

செலரி ஆக்ஸிஜனேற்றிகளின் வளமான மூலமாகும். அதன் நுகர்வு எல்.டி.எல் என்னும் கெட்ட கொழுப்பை குறைக்கும். இதை தாண்டி கொழுப்பை வேகமாக குறைக்க ஓட்ஸ், பார்லி , முழு தானியங்கள், பீன்ஸ், அவகேடோ, பாதாம், பிஸ்தா, அக்ரூட் பருப்புகள், வேர்க்கடலை அல்லது பழுப்பு நிற கொட்டைகள் போன்றவற்றை உங்கள் உணவில் சேருங்கள்.

https://rb.gy/80p7